დილა მშვიდობის, სტუმარო!
სამშ, 19 მარ 2024, 11:53 AM
Geo|Eng
ავტორიზაციის ფორმა

სუსტი არისო, როცა ამბობენ ქალზე..

სუსტი არისო,როცა ამბობენ ქალზე
უცნაურია,რად არ იცინის ღმერთი?
ათასი კაცის ძალას დასჯაბნის ბევრჯერ
იმ სუსტი ქალის,სუსტი ღიმილი ერთი.

რა მოხდა თუკი ზოგჯერ დაღლილი სევდით
წვიმის ორ ცხელ წვეთს ჩამოაყოლებს ტკივილს?
ვითომ ძლიერი მამაკაცებიც ბევრჯერ ნატრობენ,
მაგრამ ვერ ახერხებენ ტირილს.

ქალი მზისგან და სინათლისაგან შექმნა ღმერთმა.
ქალს სხვანაირად ენატრება და უყვარს.
საერთოდ ქალი მხოლოდ კაცისთვის არა,
-სამყაროსათვის გაუჩენია უფალს!

ვერ შეედრება ქვეყნად ვერცერთი ძალა,
ქალში გაჩენილ ახალ,უმწეო სუნთქვას.
არ არის უფრო დიდი გმირობა ქვეყნად-
დედობა ჯილდოდ უბოძებია უფალს!

მადლობა ღმერთო რომ გავჩნდი ქალად!
მე თანახმა ვარ-მიწოდეთ სუსტი!
ბედნიერი ვარ,რომ მქვია ქალი
და დედად ქცევის სასწაულს ვუცდი!

ავტორი:
ელენე თომაევი
...
სახელი: ...
ჯგუფი: ...
სტატუსი: ...
თარიღი: 23 ოქტ 2015,10:42 AM
ნახვები: 1268
კატეგორია: ლექსები
კომენტარები: 0
Banner Place
კომენტარის დამატება