შუადღე მშვიდობის, სტუმარო!
ხუთშ, 28 მარ 2024, 1:59 PM
Geo|Eng
ავტორიზაციის ფორმა

რაღაცნაირი...

რაღაცნაირი ჩამოდგა ჟამი,
გულიც რაღაცას მანიშნებს თითქოს,
გაყუჩებულა, მაგრამ მკერდიდან,
რაღაცნაირად რაღაცას ითხოვს.

რაღაცნაირად დამცქერის ზეცა,
რაღაც უაზრო, უმზეო მზერით,
რაღაცნაირი დარია თითქოს,
და კიდევ რაღაც, რაღაცნაირი.

რაღაცნაირად გადიან დღენი,
ვიღაც რაღაცას მთხოვს და მპირდება,
რაღაცისათვის რაღაცას ვეძებ,
რაღაც გრძნობების დასამშვიდებლად.

რაღაც ფიქრები აღარ მასვენებს,
რაღაცისათვის ღამე არ მძინავს,
რაღაცას ვყრი და ისევ ვაგროვებ,
ისევ და ისევ რაღაცნაირად.

რაღაცისათვის მტანჯავს სოფელი,
მაგრამ რაღაცის მაძლევს იმედსაც,
რაღაც მოხდება ძალიან კარგი,
რაღაცა ცუდი ხდება ისედაც.

რაღაც არ მახსოვს ოდესმე მეთქვას,
რაღაცისათვის, "შეჩერდი წამო",
რაღაც თავისით გადის ცხოვრება,
რაღაცნაირად, რაღაცის გამო.

...
სახელი: ...
ჯგუფი: ...
სტატუსი: ...
თარიღი: 31 მაი 2015,7:32 PM
ნახვები: 1184
კატეგორია: ლექსები
კომენტარები: 0
Banner Place
კომენტარის დამატება