ერთხელაც
ერთხელაც, გავიქცევი ყველა ნაცნობი თუ საყვარელი ადგილიდან,
გავეცლები ყველა მეგობარსა და ახლობელს,
საკუთარ თავსაც კი მივატოვებ,
მოვძებნი ვინმე სრულიად უცხოს,
რომლისგანაც სულერთი იქნება
შევუყვარდები თუ შემიძულებს,
მაპატიებს თუ არ მაპატიებს,
განმიკითხავს თუ ისეთს მიმიღებს როგორიც ვარ,
რომელსაც მხოლოდ იმას ვთხოვ,
რომ მომისმინოს
და მოვუყვები მთელ ჩემს ცხოვრებას,
სულს ცოდვებისა და საიდუმლოებებისგან დავცლი,
იმ იმედით, რომ ისე შევმსუბუქდე,
მიწას მოვწყდე და ცისკენ წავიდე.
ავტორი:
ლაშა მარგიანი Banner Place
კომენტარები: 1
1
Spam
#1 ანიტა
17 სექტ 2019 • 3:01 PM
| |
კომენტარის დამატება