გამარჯობა გული მინდა გადაგიშალო
მოგიყვები ოღონდ შენ არ დამიშალო
მომისმინე დავფიქრდე და აი ვიწყებ
რასაც გეტყვი, გთხოვ ნურასდროს დაივიწყებ
რომ არ ვიმჩნევ არ მადარდებს, რა გგონია
შენზე ფიქრში მემართება აგონია
როცა გხედავ საოცრება მემართება
მაინც შემრჩა სურვილი და შემართება
თავისთავად არ გადარდებ მეგონება
შენზე ფიქრმა დამიბინდა მე გონება
ამ ლოდინში ოცნებამაც მიმატოვა
გამიწვიმა გულზე ფიფქი მიმატოვა
დაგივიწყებ? ჯერ არ ვიცი შეიძლება
მაინც მჯერა, რომ რაღაცა შეიცვლება
ვიშველიებ კუპლეტებს და სტროფებს, პწკარებს
ასე მაინც თუ გაგიღებ გულის კარებს
რომ გიყურებ რა უაზროდ მეცინება
ყოველ ღამე შენზე ფიქრში მეძინება
ანგელოზი? შენზე რაღაც მეტი ითქმის
შემიყვარდი? არც მიკლია ბევრი თითქმის
მომენატრა თრთოლვა მაგ შენს ლამაზ ხელთა
სხვა რაღა ვქნა, სიყვარულმა მომიხელთა.