* - ბრძენი ცოდნით არიან ბრძენნი? განა შეიძლება ადამიანი ახვა რამით იყოს ბრძენი, გარდა ცოდნისა?!. მაშასადამე, სიბრძნე არის ცოდნა?
- ვფიქრობ ასეა.
- მაგრამ თუ ფიქრობ, ადამიანს ძალა შესწევს, ყველა საგანი იცოდეს?
- არა, მას არ ძალუძს იცოდეს მათი უმცირესი ნაწილიც კი.
- მაშასადამე, ადამიანს არ შეუძლია ყველაფერში ბრძენი იყოს?
- რა თქმა უნდა, არა!
- მაშასადამე, ვინც რა იცის, იმაშია ბრძენი?
- ვფიქრობ, ასეა. (სოკრატე)
* გონება უგვანო ადამიანთა შორის უგვანი ხდება, ტოლთან ტოლი, ჩინებულთან ჩინებული.("ჰიტოპადეშიდან")
* ბრძენი თუ სულელებთან მოხვდა, მათგან ნუ ელის პატივსა, ხოლო თუ სულელი თავისი ყბედობით ბრძენს დაამარცხებს, ამაშიც საკვირველი არაფერია, რადგან ქვით შეიძლება ალმასი გაიპოს.(საადი)
* რკინა, თუ არ იხმარე, ჟანგდება, დაგუბებული წყალი მყრალდება ან სიცივის გამო იყინება, ხოლო გონება კაცისა ჭკნება, ძაბუნდება, თუ არ გამოიყენე.(დავინჩი)
* სიბრძნე გამოცდილების შვილია.(დავინჩი)
* ცოცხალი გონების თავისებურება ის არის, რომ მას მხოლოდ მცირე რამის დანახვა და გაგონება სჭირდება, რათა შემდეგ დიდხანს იფიქროს და ბევრი რამ გაიგოს.(ჯორდანო ბრუნო)
* გონება რომ სრულქმნილი გახდეს, სწავლაზე მეტი აზროვნებაა საჭირო.(რ. დეკარტე)
* რატომ არის, რომ ხეიბარი კაცი არ გვაღიზიანებს, გონებრივად კოჭლი კი გვაღიზიანებს? იმიტომ, რომხეიბარს შეგნებული აქვს, ჩვენ სწორად დავდივართ; გონებრივად კოჭლი კი ამტკიცებს, თითქოს ის კი არა, ჩვენ ვკოჭლობდეთ; ეს რომ ასე არ იყოს, სიბრალულის გრძნობით განვიმსჭვალებოდით მისადმი და არა რისხვით.(ბ. პასკალი)
* თუ გინდა ჭკვიანი იყო, ისწავლე გონივრული შეკითხვა, ყურადღებით მოსმენა, მშვიდი პასუხი და, ლაპარაკი შეწყვიტე მაშინ, როცა სათქმელი აღარაფერია.(ი. ლაფატერი)
* ჭკუამახვილობა ჯერ კიდევ არ ამტკიცებს გონიერებას. სულელები და შეშლილებიც კი საოცრად ჭკუამახვილები არიან ხოლმე.(ა. პუშკინი)
* გონება იმისთვის აქვს ადამიანს, რომ გონივრულად იცხოვროს და არა იმისათვის, რომ უყუროს, რა უგუნურად ცხოვრობს.(ბ. ბელინსკი)