ქალი რომ ჩაგივლის, თვალი უნდა დაგრჩეს,
მზერა დაგიბინდოს მკერდმა ვნებიანმა,
ნაზი სურნელება უნდა გაიყოლოს,
ქალმა ლამაზმა და დალალ თმებიანმა.

სისხლმა იჩქეფოს და ძარღვნი დაგიხეთქოს,
სულში დაგიაროს, გრძნობა აგიჯანყოს,
უკენ გაგიყოლოს ძაფმა უხილავმა,
ნერწყვი გადაყლაპო და არ დაგინახოს.

ტანის ნაზი რხევით ქერა დალალები
მკერდე ვნებიანად ანცად ათამაშოს,
ტურფა სილამაზეს შორით გაცქერინოს,
ახლოს მიგიშვას და მაინც არ განახოს.

ერთი შემოხედვით ტყვედ რომ ჩაგიბარებს,
როგორც დედოფალი, ღიმილს დაგამადლის,
მისი შეხებისთვის თავს რომ გაიმეტებ,
ისე გაგიღიმებს,სიკვდილს არ დაგაცდის.

ფეხი აგირიოს, სიტყვა დაგავიწყოს,
ქარმა მოგაწიოს ტანის სურნელება,
ქალის ღირსებას და ქალის დაფასებას,
ზურგი შეაქციეს მხოლოდ სულელებმა.

მსუყე ტუჩებს,როგორც ბავშვი გაბუტული,
თითქოს გკოცნიდა და უკან გააბრუნებს,
ნუშის თვალებიდან ჩუმად შემოგხედავს,
სულში შემოვა და წამში გაგაბრუებს.

ქალი რომ ჩაგივლის? უნდა შეიშალო,
უნდა აგერიოს გრძნობით ნაბიჯები,
სისხლმა შენს სხეულში ისე დაიჩქეფოს,
თუ ვერ მიეკარე, გრძნობდე,გაგიჟდები!