დილა მშვიდობის, სტუმარო!
სამშ, 19 მარ 2024, 8:11 AM
Geo|Eng
ავტორიზაციის ფორმა

სადღეგრძელოები
მონატრების სადღეგრძელო მინდა დავლიო,
დამეთანხმებით მონატრების ვინც იცით ფასი,
ვინც შეხვედრია მონატრების ცრემლით ალიონს
და ამ ცრემლებით ავსებული შეუსვავს თასი,
მე მონატრების სადღეგრძელო მინდა დავლიო,
და მათიც ვისაც მონატრებით ქვეყნად უვლიათ,
მე სიყვარულის სადღეგრძელო მინდა დავლიო,
რამე თუ თავად მონატრება სიყვარულია!!!
მე დავიბადე დედამიწის სულ ციცქნა ბაღში
მე დავიბადე დედამიწის სულ ციცქნა ბაღში
მადლობელი ვარ ამ სამოთხის,მიწის,ზეცისა.
მშვენიერების წალკოტს ეყრები მთასა თუ ბარში
შემყვარებია ყველაფერი ჩემი ქვეყნისა.
მე წვიმაც მიყვარს უეცრად მაშვრალს რომ დაგასველებს,
ის ნათელი მზე წვიმის მერე გულს რომ გაგითბობს.
მე აქაური მიყვარს ჭექაც,მიყვარს ქუხილი
ყურში ჩამესმის გმირი ვაჟის დედის წუხილი.
იმ გრძნობას გაუმარჯოს
  ​​​​​​​
იმ გრძნობას გაუმარჯოს, რომელიც ვერ ამბობს, 
მოკლებულია სიხარულს, ტირილს და ამბორს, 
დღეები გადის და ის მაინც ამბობს, 
დავუცდი იმ დღეს თავს რომ მე მანდობს. 
იმ გრძნობას გაუმარჯოს, რომელიც მარტოა, 
ელოდება, მაგრამ იცის, რომ არ მოვა..
იმ სიყვარულს გაუმარჯოს
  ​​​​​​​
მოდით იმ სიყვარულს გაუმარჯოს,
იმ მოფერებასა და ალერსს,
იმ გრძნობის მოზღვავებას გაუმარჯოს 
ცრემლით რომ აგვივსებს თვალებს.
მოდით ზღვის იმ ტალღას გაუმარჯოს,
იმ გრიგალებს და ნიავს, 
რომელსაც საალერსო სიტყვები
გულიდან გულთან მიაქვს..