ნუ ტირი!..
ნუ ტირი, მე რომ ვტირი ეგეც მეყოფა,
დრო გადის, ხედავ? გზები უკვე გვეყოფა,
ნუ ტირი, ჩემი გული შენთან დარჩება,
ცრემლებით არაფერი არ გადარჩება...
ნუ ტირი, თუმცა ცრემლი მართლაც გიხდება,
ჩემ გარდა შენს მშვენებას სხვა ვერ მიხვდება,
ნუ ტირი, გინდა? ჩემს ცრემლს გაგიზიარებ,
მე წავალ, მაგრამ სულს არ დაგიზიანებ...
გათენებისას მზესთან ერთად დაგელოდები
არა! წარსულში ვერ დაგტოვებ, არ მემეტები!
ნუ ტირი, ბედი ტირის ეგეც გვეყოფა,
ხომ ხედავ, გზები უკვე მართლაც გვეყოფა....
Banner Place
კომენტარის დამატება