* ფრთხილად იყავით, მოერიდეთ ეჭვიანობას, ეგ მწვანეთვალა საზარელი ურჩხული არის, იმავე საზრდოს ჰგესლავს, რითაც თვით იკვებება...(უ. შექსპირი)

* ეჭვიანობა ზრუნვაა იმაზე, რომ ერთი დატკბეს მიღწეულით და შეინარჩუნოს იგი.(ბ. სპინოზა)

* ეჭვიან კაცს თავისი თავი უფრო უყვარს, ვიდრე საყვარელი არსება.(ვ. ლაროშფუკო)

* ეჭვიანობა ტანჯვათა წყაროა იმისათვის, ვისაც უყვარს, და შეურაცხყოფა იმისთვის, ვინც უყვართ.(კ. გოლდონი)

* იეჭვიანოთ ქალზე, ვისაც უყვარხართ, ეს სხვა თუ არაფერი, ულოგიკობა იქნებოდა. ორში ერთია: თქვენ ან უყვარხართ, ან არ უყვარხარტ. ორსავე ამ უკიდურეს შემთხვევაში ეჭვიანობა სრულიად უმიზნო რამ არის. მამაკაცის ეჭვიანობა, როგორც ჩანს, ისევე აუხსნელი რამ არის, როგორც შიშის გრძნობა. თუმცა, შესაძლოა, ეჭვიანობა, ეს სწორედ სიყვარულში გამომჟღავნებული შიში იყოს. ამ შემთხვევაში ეჭვიანი ქმარი სინამდვილეში თავის თავზე უფროა დაეჭვებული, ვიდრე თავის ცოლზე.
     მამაკაცის ეჭვიანობა წარმოსდგება სიშმაგემდე მისული ეგოიზმისგან, ანაზდეულად მოძალებული თავმოყვარეობისა და გაღიზიანებული, ამაო პატივმოყვარეობისაგან.(ო ბალზაკი)

* ეჭვიანობა... ეს არის სენი უბადრუკი ადამიანებისა, რომლებიც არც თავიანთ თავს სცემენ პატივს და არც იმ უფლებას, საყვარელი არსებისადმი სიყვარულზე რომ გააჩნიათ. ეჭვიანობაში ცხოველური ეგოიზმის დონეზე მყოფი არსების წვრილმანი ტირანია მჟღავნდება. ამგვარი ეჭვი უცხოა ძნეობრივად განვითარებული ადამიანისათვის.(ბ. ბელინსკი)

* არა მგონია, ქვეყნად ეჭვიანობაზე უფრო დამამცირებელი ტანჯვა არსებობდეს, იგი ჩვენს სულს ავსებს საზიზღარი სურათებით.(ა. ფრანსი)